kutubhona

унинг ўхшашини келтира олмаган бўлсалар. Хуллас, бу гап тўғри келмади. Шу билан бошқасига ўтишди.
Кейин унга бу гапларни бизнинг орамизда бўлмаган бошқа бир одам ўргатяпти, дейишиб, бир насроний ажамни тилга олишди. Лекин бу топган ҳужжатлари ҳам ўзларининг зиёнига ишлади.

Унинг тили ажамий, бу (Қуръон) эса очиқ-равшан арабий эканини билган эдинглар.15
Шу билан бу тадбирларидан ҳам юз ўгириб кетишди.
Кейин, бу сеҳрдан бошқа нарса эмас, у гапдан, ифодадан тузилган сеҳр, деб кўришди. Бироқ бу ҳужжатлари ҳам ўзларининг зиёнига ишлади. Бу нарса уларнинг ожизлигини, нотавонлигини кўрсатиб қўйди. Қуръон ўзининг ҳақлиги, кучлилиги ва буюклиги билан уларнинг кўзига ҳатто сеҳр бўлиб кўринди. Яна бир жиҳатдан сеҳрнинг ўзига хос белгилари бўлади. Бу нарсани улар жуда яхши биладилар. Бу буюк Каломда эса ундай белгилар йўқ.

Бу гапларидан ҳам тониб кетмоқчи бўлиб тургандилар, лекин қарасалар, шу йўл билан айрим оми одамларни ишонтириш мумкин экан: Кўрмаяпсизларми, Исломга кириш ўғилнинг ўз отаси ибодат қиладиган санамларга ибодат қилмай қўйишига олиб келади, у худди сеҳр каби ота билан ўғилни бир-бирларидан ажратиб юборади, деган гаплари иш берадиганга ўхшаб қолди.

Адаштиришнинг, йўлдан оздиришнинг энг қулай усули шу эканини кўришиб, шу усулни қўллаб қўя қолишди. Бу Қуръон фақат аввалгилардан нақл қилинаётган бир сеҳрдир,16 дейишди. Лекин улар бу ишлари билан ёмғирдан қочиб, дўлга тутилдилар.

Зеро, Аллоҳнинг каломини тинглаган одам унинг сеҳр эмаслигига аниқ ишонади. Шунинг учун ҳам улар одамларни Қуръонни эшитишдан тўсишга ўзаро келишиб олдилар. Жаврайверинглар,17

(15) (وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ لِّسَانُ الَّذِي يُلْحِدُونَ إِلَيْهِ أَعْجَمِيٌّ وَهَـذَا لِسَانٌ عَرَبِيٌّ مُّبِينٌАниқки, Биз уларнинг «(Қуръонни Муҳаммадга) бирон одам ўргатмоқда», деяётганини билурмиз. (Лекин уларнинг бу даъволари пучдир, чунки) улар ишора қилаётган кимсанинг тили ажамий (яъни, арабий эмас), бу (Қуръон) эса очиқ-равшан арабийдир). [16:103]

(16) إِنَّهُ فَكَّرَ وَقَدَّرَ* فَقُتِلَ كَيْفَ قَدَّرَ* ثُمَّ قُتِلَ كَيْفَ قَدَّرَ* ثُمَّ نَظَرَ* ثُمَّ عَبَسَ وَبَسَرَ* ثُمَّ أَدْبَرَ وَاسْتَكْبَرَ* فَقَالَ إِنْ هَذَا إِلَّا سِحْرٌ يُؤْثَرُ
Чунки у ўйлади, режа тузди. Ҳалок қилингур, қандай режа тузди-я?! Яна ҳалок қилингур, қандай режа тузди-я?! Сўнгра у (ўйлаган режаларига) қаради. Сўнгра (Қуръондан бирон айб топа олмагач, пешонасини) тириштирди ва (афтини) буриштирди. Сўнгра (Ҳақдан) юз ўгирди ва кибр-ҳаво қилди. Бас, у: «Бу (Қуръон Аллоҳнинг сўзи эмас, балки) фақат (аввалгилардан нақл қилинаётган бир сеҳрдир», деди. [74:1 8 -24]

(17) (وَقَالَ الَّذِينَ كَفَرُوا لَا تَسْمَعُوا لِهَذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ
Кофир бўлган кимсалар (бир-бирларига «Муҳаммад тиловат қилаётган вақтда) сизлар бу Қуръонга қулоқ солманглар ва (уни ўзгаларга ҳам эшиттирмаслик учун оғизларингизга келган гапни) жаврайверинглар (шунда) шояд ғолиб бўлсангизлар», дедилар). [41:26]